Latest

Thursday, 21 March 2019

Xiaomi Redmi Go Phone Purchase Karne Par, Jio Ki Taraf Se Mil Rahe Hain Attractive Offers


Xiaomi ne kal apne lowest priced smartphone Redmi Go ko India mein launch kar diya hai. Iss phone ko Rs 4,499 ki keemat mein announce kiya gaya hai. Launch ke saath Reliance Jio ne iss phone par kuch attractive offers diye hain. Firstly, company ne bataya ki Jio iss device ki exclusive telecom partner hai.



Redmi Go ke baare mein aapko briefly bata dein ki iss phone mein aapko 5 inch ki HD display di gayi hai, Snapdragon 425 chipset ka use kiya gaya hai. Storage ke liye ismein 1GB RAM aur 8GB ki internal storage hai. Saath hi ye 3000mAh ki battery ke saath aata hai. Ismein 8MP ka rear camera LED flash ke saath aata hai aur front camera 5MP ka milta hai.
Ab baat karte hain iss phone par Jio dwara diye gaye offers ki. Agar aap Jio user hain to aapko iss phone ko purchase karne par Rs 2,200 tak ka cashback vouchers aur 100GB 4G additional data diya jaaega. Yeh offer Rs 198 aur Rs 299 ke recharge par applicable hoga. Cashback voucher ko use kar ke user Rs 198 ke recharge ko Rs 148 mein le sakte hain. Iss Rs 148 ke recharge par users ko 2GB data per day aur unlimited calls ka offer milega. Offer mein milne wale 100GB data ko per recharge 10GB data ke form mein diya jaaega. Yeh sirf 10 recharge tak hi available hoga.
Iss phone ko company ne India mein Rs 4,499 ki price par launch kiya hai. Yeh phone Flipkart, mi.com aur mi store par 22nd March se sale ke liye available hoga.

No comments:

Post a Comment